近期香港受非典型肺炎肆虐，不少市民都擔心受到感染，而每日都會做運動的任達華認為，只要內心世界夠強壯，自然無懼面前的困難。
「華仔」說：「香港初初爆發肺炎時自己都有少少恐懼，而市民咁驚，多少同政府處理事件唔理想有關。如果政府響廣州出現非典型肺炎時，就意識到呢種病可能傳到嚟香港，早啲提醒市民做足預防措施，情況可能唔會好似現在咁差。」
「其實肺炎在好多國家都會有，目前最令人擔心係呢個病毒不斷擴散，病例增加。而呢個時候最緊要係唔好驚，當有病時即刻睇醫生，只要身心都同樣咁強壯，自然唔怕。」任達華說。
他指出，平時多做運動，多飲水，血液循環好，免疫力自然增強，再加上健康的內心世界，便可擁有健康身心，這樣就不易被病魔侵襲，他說：「現在我都有戴口罩出街，這不代表我怕感染肺炎，而是我尊重其他人。」