非典型肺炎搞到人人自危，中環金融機構要倉皇應變，白領一族就要變身。八方噚日同法國巴黎百富勤證券嘅朋友傾起，佢哋話公司前晚出咗一個通告，建議員工全數改穿便服返工，男嘅唔使着西裝。
點解？由於衞生署話衣服容易藏病毒，所以要每日更換，但西裝又比較難日日清洗日日換，因此證券行都要被迫放棄傳統，准着便服上班，咁就大家（員工及公司）都安心啲啦。
八方後來又聽聞另一間星資證券行大華繼顯噚日下午發內部通訊，都叫員工唔使着西裝，總之喺呢個非常時期，最緊要安全，係咪有損形象都暫時唔理。
傳真︰2623-9278
電郵︰