失業及經濟問題，將四十五歲的林培德趕上絕路，他最終以燒炭來結束自己寶貴的性命，遺下妻子和兒女三人。可憐新寡林太，既要背負家庭的重擔，亦要為亡夫一筆殮葬費四出奔波，蘋果基金即時施以援手，撥款紓解林家的經濟壓力。
「嗰朝早佢重同個女有傾有講，吩咐個女畀心機讀書，真係冇諗過佢轉頭會走去做儍事。」四十歲的林妻憂心地說。
林培德原任職麵包師傅，去年曾有一段時間，因為身體抱恙被迫經常請假，兩次被僱主發警告信，及後更將他降級調職至清潔部門，月薪由一萬五千元削減至七千元。性格內向的阿德為此一直表現得鬱鬱寡歡，及至去年尾，僱主終將他解僱，阿德曾多次向妻子透露了無生趣。
林太憶述：「佢成日話自己冇做錯，有病請假只係為食客着想，咁樣被人炒魷魚覺好唔抵，重話暫時畀唔到家用我，好唔開心，又話想過自殺。當時我就勸佢唔好亂諗嘢，有我撐住頭家，但是，結果佢都係想唔開。」
事發當日，阿德趁妻子上班、子女上學後，在家中睡房燒炭自殺，及至晚上十時，他始被家人發現，可惜送院後已返魂無術，孤寡悲慟不已。十四歲的兒子更因為未能即時發現慘劇而經常自責，情緒甚為激動，要暫時搬去親友家中居住；其十八歲應屆高級程度會考生的長女，同樣備受情緒困擾。
「嗰日囝囝七點鐘放學返到屋企，見到爸爸鎖埋房門，一直都冇為意，直至我同囡囡十點幾返到屋企，先揭發呢件事。囝囝因為咁成日覺得好內疚，話如果自己早啲發現，爸爸可能唔使死；囡囡就冇晒心機考試，情緒好唔穩定。」飽受喪夫之痛的林太，連日來既要安撫子女的情緒，又要籌措亡夫的身後事，顯得一臉憔悴。
林太現職幼稚園教師，薪金約八千五百元，自丈夫失業後，她肩負起一家四口的生活開支，經濟壓力很大，每月入不敷支，實在無力應付突如其來的殮葬開支。「我哋淨係交租都差唔多要成二千七百蚊，基本上我份人工每個月都欠成二千蚊先夠屋企使，好多時都要啲朋友幫忙吓，𠵱家阿德突然間出事，我都唔知點算。」
林太歎道，刻下最希望可盡快讓亡夫入土為安，同時盼獲房屋署體恤，讓他們三口可遷離傷心地。蘋果基金有見林太的困境，即時從「殮葬專戶」撥款一萬五千元，紓解其殮葬方面的壓力。
捐款編號：C0886
暖流熱線
電話：29908688
傳真：23702192
電郵：
網址：