「屋企無電腦，我惟有落堂後留喺學校做電腦功課；哥哥就多數去同學屋企『黐』電腦用，唔好意思都無辦法！」十歲的美美苦着臉向記者訴說。
就讀小學四年級的美美學習成績優異，與母親和十二歲哥哥靠綜援金度日，生活捉襟見肘，遑論買一部電腦在家中學習。
其母親阿芳歎謂﹕「對仔女成日問我幾時可以買部電腦畀佢哋學習，但我同老公離婚之後，靠綜援維持頭家，衣食住行都要好慳，重點能夠攞七、八千蚊出嚟買電腦！」
三十六歲的阿芳坦言，她近年飽受腰骨傷患折騰，苦不堪言，唯一令她感到安慰的是子女好學、學業成績理想。
「我以前經常因為小事扭傷腰骨，好似彎低身做家務同搬啲嘢，咁就唔小心整傷，搞到呢兩年成日腰骨痛得好犀利，返唔到工，有時連行多幾步路都唔得。好在對仔女唔使我操心，佢哋可以自己返學放學，讀書成績好，細女重每次考試都考到前五名之內，令我好安樂。」阿芳原從事家務助理，頑疾令她無法工作，目前需定期接受物理治療及服藥，以紓緩腰骨痛楚。
刻下，阿芳一對子女只盼擁有電腦在家中學習，你願意捐助他們償願嗎？
捐款編號：C0887
暖流熱線
電話：29908688
傳真：23702192
電郵：
網址：