搵到咁多原版鞋，都是靠T仔幫手。由第一對喺Chicago買嘅拉鏈洛文開始，至今擁有至少150對波鞋，最愛首選Nike。「着波鞋唔怕舊，尤其玩原版，無咁上下殘，無身價，就唔型！」對原版誓死效忠，他當然看不起復刻，對Crossover又有何睇法？「可以接受，話晒同出名人合作，可以一買，但就太貴囉，閒閒哋都千五六，真係有錢，就寧願搵番原版。」
記者：梁佩芬
攝影：林栢鈞
搵原版鞋，一定要係大堆二手嘢內翻天覆地，當然試過幾粒鐘都搵唔到心頭好！無奈說：「買鞋都好講緣份！」T仔一直都想有對AJI北卡大學粉藍原版，夏威夷、日本、泰國都無。有一次，美國讀書朋友仔喺大學裏見到鬼仔着呢對鞋，「個Friend都唔知乜鞋打乜鞋，只知道係Jordan，就好大膽走去問鬼仔，『可唔可以除你對鞋賣畀我』！我都唔知佢用幾錢買番嚟，但我收到嗰刻，真係好感動！」同我述說舊事，佢聲音都有啲哽咽！
$1,480（US9）
我睇VandalSupreme必定同$掛鈎，但T仔卻另有睇法：「以一幅過夾棉做嘅85年Supreme，睇得出當時好着重手工，一幅過好浪費，𠵱家對復刻就係逐Part布駁上去；再睇真啲，連車線位同綑邊都唔同。新嗰對最大特色，係用番84年第一次出嘅銀面紅剔，其他就只係得個貴字！」
$999（US8）
㗎仔那邊今年盛吹AFIILow，香港這邊FashionIconEdison又預言「必玩AFIILow」。T仔話：「96年左右，我都唔太熟AirForce系列，啱啱嗰時㗎仔開始玩80'sVintageLook籃球鞋，就係嗰一期《Boom》度，睇到AF演進表，心思思想搵番對，適逢去Haiwaii玩，喺N對二手鞋中，俾我搵到對87年第一代AFII喎，嗰時叫CourtForce。其實都幾殘，平日都無乜點着，重要係我有一對就夠了！」
$680（US9）
傳聞話Nike今年會狂玩70'sOldSchool款，當中以Blazer為重點！今天波鞋舖話：「銷量可以同Dunk有得揮嘅，只係Blazer！」依我見，Blazer最值得一讚係以平底無任何避震設計，同對Converse無分別，居然係70's最先進籃球鞋，話晒個個Player都二百多磅，高空落地嗰刻都確係幾傷！前排對BlazerSB人造皮都賣千三，反而20年前嘅白色真皮七百有找。
$2,480（US9）
「我唔理Jordan第一代有幾勁，我覺得最勁係搵到錯版黑底佐敦鞋，係咁多！」84年出產AJI，可能因復刻太濫，令身價有下跌現象，再加上Jordan成日話「退」又唔退休，AJI確實沉了一陣子，希望來季佢真係退休，造番起個市。
各$680
AirHuarache內櫳有彈性，可包蓋整個腳部，Jordan系列都曾用此作保護雙足的設計，90年一出，玩藍色Monotone，更有男女裝任揀，鞋身保存新淨，全無甩線脫皮現象！雖然前陣子有Nike自家玩Flight×Huarache，更以Escape系列嘅AirTrainerHuarache，連㗎仔Beams都Crossover，「可惜是我覺得他們外形笨拙又大對，完全失去Hauarche本身輕巧貼腳的最大賣點。」
ZoomFlight95，大大粒蛋蛋設計，可算是除Jordan外，第一對炒得最㷫嘅籃球鞋，T仔：「嗰時經濟好，又見Jordan有價有市，加上JasonKidd風頭勁，一對炒到六千蚊都有人爭住買，今日俱往矣！」聽聞會出復刻？「一直只聞樓梯響，上年話今年三月，但撞啱打仗，都係延期，又或者唔出……」愈講愈不滿，其實佢心態就係：等有復刻出，望原版價能再升！
售賣點：CheapBaby（23324803）
地址：旺角Chic之堡Shop307