美伊之戰愈打愈血腥，伊軍扮平民打游擊戰，美軍則有殺錯冇放過，禍及無辜平民，總之就係死得人多。不過，美國重整作戰計劃後，戰事進展轉佳，市場再憧憬戰事不會拖太久，周二美股雖然經濟數據欠佳，但杜指仍升77點，收8069。
美股周二晚反彈在趙飛雲預期之內，而港股昨日亦如前日分析先出現反彈，恒指升109點，收8706。趙飛雲按原定部署，尾市在0.29元買入20萬份恒指Put輪9587。
前日提過，恒指首個反彈阻力為3月31日下跌裂口8755至8812，若見完全補回裂口，宜先沽出9587止蝕。恒指Put輪9587昨日只跌3.3%，收0.29元，由輕微負溢價變成有溢價0.76%。相對而言，昨日買9587不及前日咁抵玩，但亦代表求過於供，多人睇淡後市。
香港前日因疫埠謠言而大幅波動，港府宣布無意將香港列為疫埠，但在其他國家眼中，香港已儼然疫埠，驚叫香港香港我怕你。世界衞生組織昨日呼籲暫時不要到香港及廣東省；瑞士禁止香港鐘表商入境參展；泰國警告香港旅客到泰國必須戴口罩，否則會判監6個月；廣州及香港的美國領事館建議工作人員家眷撤離。相信其他國家類似的抵制行動會陸續有來，直至香港肺炎疫症全面受到控制為止。
外資行亦紛紛調低今年香港經濟預測，因此港股短期雖因超賣反彈，但尋底之旅仍是漫漫長路。
趙飛雲