香港係咪撞鬼？經濟差已成事實，再加埋近期非典型肺炎襲港，簡直就係雪上加霜！好似平日人頭湧湧嘅信和，近日都少咗人蒲！「講近期二手CD邊隻最得，本地一線歌手冇嘢出，二線有容祖兒隻新曲+精選，喺咁逆景嘅市況，二手價賣$70，依然勁多人搵！楊生真係飲得杯落！」低調得可以的雄哥仔如是說。
記者：陳嘉文
攝影：周旭文
全新街價約$85 回收價$50 二手定價$70
雄哥仔話家陣啲歌迷真係有進步，Joey呢類賣聲唔賣樣嘅女歌手，早喺10年前一定唔賣得！好似今次呢隻新曲+精選咁，今日收到兩隻，Mark好價擺上架，前後唔夠兩分鐘即刻有人掃！犀利！
全新街價約$88 回收價$50 二手定價$68
「當紅台灣插畫家幾米，擅長刻畫都市人心態，極受OL歡迎（筆下15本畫冊創下超過百萬計總銷量）！放下畫筆，搖身一變成為DJJimmy，為我哋一群失落都市人選曲。幾米除了畫得之外，揀歌亦好有品味；現代作曲家有PhilipGlass、阪本龍一到法國印象派作曲家Debussy都包羅其中。」
全新街價約$90 回收價$55 二手定價$73
「第二版多了本靚靚Diary，回收價可以去到$55，二手價Mark到$73，數字已證明呢隊俄羅斯雙妹嘜喺二手市場真係非常渴市！」
全新街價約$85 回收價$40 二手定價$60
「自高妹唔再賣相頭，走唱作人路線，即時令佢起死回生！講真！從前高妹啲碟喺SecondHandMarket都冇乜市場，今趟轉Feel真係幫佢唔少，回收價企穩$40！」
全新街價約$88 回收價$45 二手定價$68
「繼朴志胤之後另一韓國新后的寶兒（BoA），個樣雖然唔夠朴志胤靚，不過近期就有好多麻甩仔搵佢嘅碟。」
資料提供：
CD「經濟」特區（27707262）
旺角信和中心地庫B36、37、39舖