華星唱片前年與旗下歌手解約及暫停出碟後，原來正密謀東山再起，據悉華星曾邀梅艷芳回娘家效力。而華星又擁大批張國榮舊歌版權，引起各大唱片公司爭奪戰，華星已穩拿一張好牌。
華星唱片公司前年尾宣布暫停出碟，並與旗下全體歌手解約，由於華星擁大量歌曲版權，故一度有傳華星開價三千萬向各大唱片公司放盤，惜價錢過高未能成功。
原來華星早在去年已秘密籌備重開，據知華星在兩個月前曾力邀第一屆新秀冠軍梅艷芳返娘家效力，同時又計劃重開唱片部，推出精選碟及簽新人加盟，不過近期遇上美伊開戰及非典型肺炎事件，基於市道疲弱，故華星只好延遲計劃。
昨日本報聯絡上華星版權部負責人梁先生，他在電話中亦承認華星重開一事，他說：「我哋做好晒工夫，本來諗住開番，因為我哋嘅舊碟可以長賣，炒番啲歌有錢賺嘅話，又可以捧番啲新人。我自己估計可能因為打仗而令經濟有影響，所以𠵱家會遲兩、三個月再決定。」問到華星是否聯絡阿梅回巢，梁先生只說：「邊個就唔好講啦，總之我哋會搵番啲華星嘅膽返嚟，又會捧啲有實力嘅新人。」
此外，張國榮在八二至八七年為華星歌手，五年內共推出過十餘張唱片，而環球因預計在今年七月為張國榮推出新歌加精選，故去年曾向華星購下《StandUp》、《為你鍾情》、《Monica》、《風繼續吹》、《當年情》及《誰令你心癡》六首經典歌曲之版權，梁先生承認現時有多間唱片公司向華星爭奪張國榮之金曲版權，他說：「我哋覺得張生啱啱去咗，𠵱家唔係適當時候去傾，我哋暫時亦都冇諗住會為張生出碟。」
採訪：朱芷瑩
