港交所行政總裁鄺其志今個月將會走人，所以陸續賣股套現。噚日港交所公布嘅資料顯示，鄺總裁已經以平均價每股八個半，沽清三十五萬八千股港交所股份，呢批股份相信係最後一次行使認股權時買入嘅，計落佢呢次淨賺三十五萬元，比三個月中嗰次少咗一半。
三月中鄺總裁賣股後兩日，政府隨即公布將港交所上市審批權轉畀證監會，搞到港交所股價跌到一仆一碌，佢俾人質疑係咪有內幕消息。有人同八方講，鄺總裁因為三月中夠期行使第二批認股權，要一次過攞二百七十萬元買股唔容易，所以先賣股套現，但就係咁俾人質疑佢誠信。其實審批權單嘢已打亂港交所嘅部署，聽講佢哋已暫停喺內地推廣香港創業板上市嘅活動，睇來呢次紛爭唔易解決。
傳真︰2623-9278
電郵︰