戴口罩已經變成時尚，不過林瑞麟同議員吳靄儀分別作出兩個極端示範。
林瑞麟喺立法會大廳內本來一直戴住口罩，點知行到出走廊向記者發表聲明時，竟隨意將口罩除低，對住眾多咪高峯近距離大噴口水花，講完就想走。呢個時候，有個記者講咗句「局長……你漏咗個口罩。」大家先赫然發現，林局長個沾滿自己口水飛沫嘅口罩，竟然放喺咪架上冚住幾個錄音機。林局長於是尷尷尬尬執番個口罩，點知個好心嘅記者加多一句：「（咪架）嗰度污糟，你唔好戴啦！」一眾記者好辛苦先忍住笑。
另一邊廂，吳靄儀連戴口罩都不甘平凡，將原本應該綁住後頸嘅口罩繩，繞上頭頂打咗個漂亮嘅蝴蝶結，直情將自己變成聖誕禮物，都算苦中作樂。
（圖）八方喺度勸喻林瑞麟同各位市民，要小心處理戴過嘅口罩呀！
傳真︰2623-9278
電郵︰