五年前《九星報喜》結緣
李惠敏為張國榮痛哭

李惠敏前晚在黃金海岸拍攝新片《賭俠之人定勝天》時，突接到張國榮墮樓身亡的消息，由於張國榮生前在圈中人緣很好，李惠敏跟他的感情亦不錯，接獲張國榮死訊後，她即時在片場哭成淚人。

張家輝、李惠敏、楊恭如和杜德偉等，前晚在黃金海岸拍攝新片《賭俠之人定勝天》，眾演員在開工期間突接獲張國榮墮樓的消息，大家即時顯得心情沉重。

「佢好有貢獻」
李惠敏與張國榮曾在九八年合作拍攝《九星報喜》，二人相當稔熟。李惠敏前晚淚如雨下，不停用紙巾拭淚，她說：「唔好意思，我真係好唔開心，我唔接受訪問。」杜德偉對於張國榮的死，他說：「幾意外，唔知點解會發生呢件事，佢好有貢獻，值得尊重，張國榮係一位好前輩，好肯提攜新人，佢嘅死都好影響我嘅情緒。」

「靚仔、冇架子」
一向喜歡在片場搞笑的張家輝，前晚都收起笑臉，十分傷感。張家輝說：「佢係一位影響好深遠嘅歌手，張國榮嘅歌喺嗰個年代，好有代表性。佢嘅死，真係好似一位好朋友離開，我最鍾意張國榮唱嘅歌曲有《風繼續吹》、《Monica》同《沉默是金》。」楊恭如則表示以前在加拿大都很喜歡聽張國榮的歌曲，她說：「我以前都有見過張國榮，佢好靚仔，對人亦冇架子，聽到佢嘅死訊都好唔開心。」
此外，楊恭如在新片中飾演張家輝的女友，但楊恭如其實是因要為杜德偉做卧底才與家輝一起，而張家輝和杜德偉都是飾演賭俠。
採訪：何永寧　攝影：林德雄