自寶馬5系轉款嘅消息傳出以來，一直成為車迷最關注嘅消息之一；日前終傳來更多關於新車嘅消息，並表示新車快者可望於今年9月正式推出㖭！𠵱家不如一齊嚟先睹為快，睇睇新車有何吸引力啦！
先以造型而言，新5系與同廠7系房車甚為相似，望落明顯較前更見豪邁；而炯炯有神嘅頭燈組合，照明度十足之外，襯以全新鬼面罩配搭，亦見有一份吸引力呢！就連車廂布局亦屬新設計，除空間較同級車闊落及設備齊全之外，而且重會裝上一套與現時7系房車相近嘅i-Drive系統㖭！
喺初推出時，新車將會有2.0公升（170匹）及3.0公升（231匹）引擎供用家選擇，隨後亦會有配用2.5公升（192匹）及4.4公升（333匹）引擎嘅型號推出市場；加上附有bi-VANOS技術，不但令性能表現更出色外，而且重有低耗油量嘅特性㖭！除此之外，用家更可選配ActiveSteering、DynamicDrive等系統，務求有更出色嘅表現呢！