非典型肺炎肆虐令全港經濟陷入低潮，不少在今個復活節出碟的歌手因而延期推出，但本來押後出碟的何韻詩，卻改變初衷，決定後日推出新碟，而英皇組合Boy'Z也會在下周初出碟。
何韻詩的經理人黃柏高昨日在電話中說：「何韻詩隻碟會如期喺禮拜五出，我哋同營業部商量過，覺得情況都唔係惡劣到冇人買碟，況且之前都鋪排晒啲宣傳攻勢，阿詩都冇乜點取消宣傳活動。」
而英皇高層霍紋希則表示，容祖兒上周推出的新碟反應甚佳，令英皇對Boy'Z推出新碟如注下強心針，故二人會如期在下周出碟。
此外，何韻詩前晚在海港城出席「披頭四巡迴演唱會」宣傳，她戴上口罩及穿上印有NoWar字樣的T恤，她說：「之前我上網同啲歌迷講，叫佢哋一定要戴口罩嚟，如果唔係就冇得簽名同影相。」
採訪、攝影：朱芷瑩、陳梅香