周日角逐金像獎影帝
張國榮未完的約會

投入過懷念過忘掉過，這角色要幾多有幾多
節錄張國榮《這些年來》

【本報訊】第二十二屆香港電影金像獎將於周日（六號）舉行，張國榮憑《異度空間》獲提名角逐「最佳男主角」，原本他已答應出席頒獎禮，但他卻在昨日傍晚六時許跳樓身亡，演藝界人士無不感到震驚。

張同祖感遺憾
香港電影金像獎董事局昨晚收到消息後，亦有討論會否在頒獎禮為張國榮進行追封，昨日記者向董事會主席張同祖求證，他在電話中說：「原本Leslie（張國榮）答應咗出席禮拜日嘅頒獎禮，因為佢係男主角候選人，真係諗唔到會發生咁不幸嘅事。」
張同祖續說：「追封方面要開會再作研究，對於Leslie嘅死，我真係好愕然同難過，佢曾經係好多人心目中嘅好榜樣，諗唔到佢𠵱家又做咗一個最壞嘅榜樣出嚟。」張國榮在今屆金像獎獲提名影帝，雖然並不是大熱門，但欠缺了他的出現，無疑會令頒獎禮有所遺憾。

渴望執導演筒
張國榮自從拍完《異度空間》後，有多間電影公司想找他拍片，但他卻因身體不適全部辭演，原本他一直夢想做導演，去年曾計劃親自執導一部殺手片，但因為投資者方面出現問題，加上他對劇本仍未滿意，對於要求完美的張國榮，當然不會急於一時，估不到在一拖再拖的情況下，他已經無法再完成此執導演筒的夢想。