日本性感組合MAX同安室奈美惠一齊出道，近幾年佢哋嘅成績每況愈下，但就從來未傳過話佢哋內訌或者解散。我羅拉就親眼喺「紅白」嘅後台見過佢哋，嚟自同一個鄉下嘅佢哋，姊妹感情真係好到你唔信，同嗰啲事務所夾硬砌埋、事先唔識嘅組合比起上嚟，真係好唔同。 年前舊成員Mina生仔引退，加入咗新人Aiki之後，我羅拉都以為Aiki會俾人排斥，點知其餘三個又真係好照顧佢，真係好抵讚！MAX紅唔起，只可以歎一句天意弄人囉！