【本報訊】周潤發、鍾楚紅與張國榮私底下是很要好的朋友，經常有見面，他們三人以往曾合作拍過多部片，昨晚發哥夫婦在鍾楚紅家中吃晚飯時獲悉張國榮逝世後，感到非常震驚和傷心，發哥接受電話訪問說：「頭先紅姑收到朋友打嚟嘅電話，話張國榮跳樓死咗，我哋聽到真係嚇一跳，唔信係事實，以為今日係愚人節，係咪開玩笑，但證實係真之後，真係好難過，因為幾個月前先去過佢屋企食過飯。」
發哥續說：「最後一次見佢都唔覺佢有乜唔妥，所以真係唔明佢點解要輕生，剛才紅姑聽到佢自殺，成隻手標冷汗，重未可以接受呢個事實，Leslie係一個好有才華嘅演員，佢嘅離開當然係演藝界一個重大損失。」
對於張國榮的演技，導演鍾繼昌說：「我覺得張國榮係一代巨星，佢喺《東邪西毒》嘅表現，簡直係天下無雙，佢走咗當然係重大損失。」