田氏兄弟「不仁」「不義」 - 李八方

  田氏兄弟「不仁」「不義」 - 李八方

梁錦松零智地買車,令好多人都刮目相看老董旁邊嘅新貴,好似馮國經兄弟、田北俊兄弟、鄭維志以至羅康瑞等,睇吓邊位四年後更上層樓。
一位老前輩分析,班新貴有財有勢有野心,但佢哋最大嘅問題就係冇政府行政經驗,又冇公務員傳統,更大問題係當班公務員死嘅,有功自己領,有鑊公僕揹,所以得唔到公僕支持,有官冇吏,政令怎行?
咁樣形容班新星,又可能激咗啲;不過八方最近的確聽過有公僕中人為田家兩兄弟起咗個花名,大哥叫「田不仁」,細佬叫「田不義」,話大佬講嘢尖酸刻薄,二少就唔夠義氣;花名剛流傳,馬上有人抗議,話應該係大少叫做「不義」,因為佢成日「出賣」特首同行會,全無義氣可言;而二少就當眾話同楊啟彥唔熟,實在不仁喎,班AO睇見楊官咁,自然由頭一直涼到背脊,點合作呢?



傳真︰2623-9278
電郵︰[email protected]