RoadShow噚日請到立法會主席范徐麗泰做嘉賓接受訪問，范太雖然係女強人，但口口聲聲叫老公做「老闆」，話自己從政都要問過佢，個女更加係命根。
同范太呢位賢妻良母做訪問，場面都頗為搞笑，因為佢原本要講增值、身心健康及理財三個方面嘅心得。前兩個話題范太講到停唔到口，幾次要由導演嗌Cut截停佢。
不過講到第三個話題「理財」，范太話自己一竅不通，淨係識得大讚丈夫嘅「３３３」理財原則，即係將財產分散投放在地產、股票及現金三方面，跟住佢就好頭痛唔知講乜嘢好。導演嫌條片太短，要求佢講多三十秒，只識儍笑嘅范太竟然話：「我講到咁多，已經覺得自己好叻嘞！」原來范家嘅中央財政大臣係范生，買樓買股票都係范生話事，范太只有附和冇意見。
﹙圖﹚范太（右）雖然係女強人，但就叫老公做「老闆」，乜都要問過佢。
傳真︰2623-9278
電郵︰