「社工淨係幫我搵到個舊電飯煲同兩張氈，我惟有餐餐用電飯煲煮個麵或者蒸隻鹹蛋送飯，另外執塊蓆加床褥番嚟晚晚打地鋪，半夜覺得凍就起身着多件衫。」面容憔悴的阿根向記者訴說。
四十四歲的阿根，近日獲房屋署恩恤分配公屋單位，得以減輕屋租負擔及改善居住環境，但他失業後倚靠綜援金維持生計，勉強應付新居的屋租及水電按金後，再無餘錢購買家具電器。
「我做開搬運工人，幾年前因為經濟環境唔好，俾公司裁咗出嚟，之後不斷搵朋友介紹都無辦法搵番份工。我唔識字，其實乜嘢工都肯做，做清潔好、做打雜又好，可惜𠵱家真係好難搵工！」獨身的阿根黯然說，他雙親早年逝世，胞兄姊甚少與他聯絡，遺下他孤苦伶仃，缺乏家庭溫暖。
刻下，阿根只盼有一張單人床、石油氣煮食爐及雪櫃解決生活所需。「希望大家幫忙，捐啲舊家具電器畀我。」阿根由衷地呼籲。 捐款編號：C0885
暖流熱線
電話:29908688
傳真:23702192
電郵:
網址：