𠵱家城中至In嘅產品除咗係百變口罩之外，相信莫過於傳聞可以預防非典型肺炎嘅「板藍根」，不過近來有多位中醫師指出，板藍根藥性偏寒，實在唔係個個受得起呢劑強藥！最近一間酒家就聯同註冊中醫師搞咗個預防非典型肺炎藥膳套餐，功效異曲同工地有強身健體、清肺熱之餘，而且藥性溫和得多，絕對老少咸宜！
記者：朱崇德 攝影：周旭文
ImageGirl：Irene
最近坊間流傳有一份來自廣州嘅預防非典型肺炎「板藍根藥方」，亦好多人傳聞國內人就是靠這味「靈藥」控制了非典型肺炎的病情擴散。這味板藍根藥方，主要成份由八味藥性偏寒的中藥所製成，非典型肺炎主要是由肺熱所引發，以板藍根醫治兼調節身體內部機能平衡，都可算是對症下藥，但部分中醫則不敢認同。
涼瓜主治功能為清熱解毒，至於黃豆亦有異曲同工之妙，不過就更多了健脾保身功效；至於大蒜頭，在中醫角度就有殺菌功能，而大鱔就有滋補養生的療效。至於食用口感方面，以煲仔做涼瓜豆豉燜大鱔，已經相當惹味，再加上間唔中唔小心夾入口嘅大蒜頭同黃豆，大蒜頭炸「金」了很香口，黃豆吸了鱔汁夠咬口！至於跟來的飯都好巧手，並唔係「靚仔」一碗，而係非常鄉下風味嘅薑粒葱粒蛋白炒飯，驅風辟濕之餘，蛋白炒飯又極香兼低膽固醇，完全係一個健康菜式。
湯味濃帶甜香
板藍根的藥方雖然好多人都話有醫療功效，不過藥性實在太偏寒，而且味道又偏苦，真係唔係好多人受得，亦唔係好啱做菜；至於呢味藥膳湯，主要由多種藥性不同藥材組成：靈芝有防病及增強抵抗力功能；北芪黨參則可保氣足，正氣旺則無病痛；淮山、玉竹及杞子，則有健脾保腎功效，最後加以蜜棗及瘦肉作調味，湯味濃郁又有蜜棗及肉味的甜香，可調節身體內部機能等，就是日常多飲用，都會有明神作用。
據註冊中醫師羅曼生稱，太多人將這味板藍根配方「神化」了！需知中醫對調節人體內部陰陽平衡嘅藥理變化萬千，一成不變地去食板藍根，如遇着一啲比較寒底或體虛之人，可能會適得其反，令佢哋身體內部更加失調。他續說：「唔受得嘅人，最明顯徵狀就係有頭暈現象，需知呢張藥方八味都係用偏寒之藥，就算係體健之人，成日飲都可能會有少少頭暈，更何況香港人成日缺少運動！」
板藍根5錢、銀花4錢、菊花4錢、元參4錢、雲苓5錢、綿茵陳4錢、崗梅根8錢、生薏米5錢（體虛者可加入蜜棗3個、黃芪5錢、黨參5錢），將六碗水煲為兩碗水，此為二人之份量。
為配合香港都市人嘅體質，酒家就使用了有30餘年中醫藥經驗嘅羅醫師獨有配方，搞咗一個預防非典型肺炎嘅藥膳套餐，主要治療功效，都集中在強身健體、調節身體及清肺熱幾方面，而且由於是藥膳關係，為咗要老少咸宜，當然藥性會溫和中正好多！所以基本上所有人都食得。
基本套餐內容有三餸、老火湯、炒飯及糖水，每位收費$88（2位起）。
「西醫藥着重治療，中醫藥着重身體調理；如果可以用中醫藥調節好身體內部機能，當然有增強抵抗力同預防肺炎功效啦！不過如果病情緊急，例如出現非典型肺炎嘅病徵，都係建議應該去醫院畀有經驗醫護人員治理。」
降血脂順便KeepFit
海參對中醫嚟講，可以當成海上嘅人參，同陸上嘅人參同樣矜貴！所以近來香港有好多有錢人，都爭相搶購，多食嘅好處，除咗係滋補身體之餘，重有補氣降血脂的功效，需知從中醫嘅病理角度，血脂高會令至「血熱」及身體內部失去調節，因而影響人體更易染上肺炎，所以食海參可調節身體機能來防病！至於雲耳亦有海參降血脂和去膽固醇的相類功能，就是平時想減肥健身KeepFit，都一樣適宜多食。
殺菌驅風
京葱薑片有殺菌驅風作用，至於鴕鳥肉含豐富營養，而且又是低膽固醇食物，多食對身體亦有益，有降低膽固醇和降血脂功效，一樣有調節身體機能功效。
雖然係一個好普通嘅糖水，不過對口、喉、肺各部位都非常好，川貝末及雪耳性質比較清潤，至於雪梨一向都有潤肺功能，雖然製法簡簡單單，但飲後令人十分舒暢。
金寶海鮮酒家
地址：深水埗欽州街37K西九龍中心7樓711室
電話：23862088
地址：銅鑼灣謝斐道440號駱克大廈地下
電話：34288388
地址：鰂魚涌康山道2號康蘭居9樓
電話：25681877
鳴謝：同福參茸中西藥行
電話：23616498
地址：長沙灣元州街188號天悅廣場A9-A