擁著你‧當初溫馨再湧現
節錄張國榮《當年情》
【本報訊】張國榮昨日突然跳樓身亡，其圈中好友獲悉他的死訊後，都表現得十分傷心，而且大多不願接受這個事實，只希望這是愚人節一個不美麗的謊言。張國榮生前好友唐鶴德、沈殿霞、蘇絲黃、陳潔靈、施南生和上山詩鈉等人，昨晚八時多開始，先後抵達其位於加多利山的寓所，看來是要商討張國榮的身後事。
張國榮死前撰寫的遺書中，有一句是多謝沈殿霞（肥姐）。肥姐昨晚在灣仔君悅出席東華三院就職典禮，她得知張國榮死訊之初，並不相信他已離開人世，肥姐說：「啋！大吉利是，唔好亂講。」說罷即在記者面前致電張國榮，並留言說：「我係肥姐，打返畀我。」
而謝賢亦說：「好意外，上次見佢都好耐，心裏都好唔舒服。」
同場的楊受成即不斷打電話求證此事，肥姐則走進洗手間，其後楊受成亦走入洗手間，未幾便見肥姐眼濕濕步出。她接受記者訪問時說：「我唔想講咁多嘢。我頭先知道咗張國榮死訊，希望唔係真。我係唔知點表達，以前我同佢之間唔係叫名，係互相叫對方honey。」心情沉重的肥姐隨即離開君悅，並前往張國榮的加多利山寓所。
至於與張國榮相交多年的好友白雪仙，昨晚沒有直接回覆記者，只是透過家中好友回應道：「好多朋友已經打嚟慰問，作為佢朋友心情好沉重，仙姐唔想答任何問題，大家畀佢靜吓。」
張國榮的生前好友邱淑貞昨晚接受電話訪問時，不停飲泣，她說：「我真係啞口無言，唔知講乜，今年太多壞消息，我覺得張國榮如果唔開心，可以搵人傾吓。」
曾與張國榮多次合作的梁朝偉亦回應說：「呢個消息太震驚，我覺得佢嘅死真係好可惜。」
目前正在台灣的鍾鎮濤（阿B）平日亦經常與張國榮保持聯絡，他昨晚在長途電話中說：「我唔信，係咪真呀？係咪愚人節？我冇嘢回應。」阿B得悉張國榮真的去世後，放下電話即大喊一場。
