時間難過都要過，今勻真係要考驗吓香港人嘅堅毅意志喇！雖然近排市況低迷，但法國雷諾代理由於Showroom舊址租約期滿關係，位處銅鑼灣禮頓道口嘅新陳列室，亦經已投入服務，面積較前有倍增緣故，加上兩邊有大幅面落地玻璃，無論路過嘅行人或駕駛者，都可以盡覽內裏嘅車款，相信會招徠不少車迷嘅留意㗎！
而亞Mark最關心嘅，莫過於早前提及過，一款好前衞嘅VelSatis高級轎車型號，據知佢嘅級數較Laguna有過之而無不及；若然你想體驗吓呢部來自法國另類轎車嘅箇中好處的話，就記住要去雷諾嘅新Showroom參觀一下喇！