貴為國際名廚的甄文達，成日都要周圍飛，既要兼顧飲食生意，又要開班教烹飪，工作咁忙碌，壓力自然大，不過性格樂天知命的他，自有一套減壓方法，寓工作於娛樂，正是Martin最有效的減壓妙方，難怪就算有幾忙，Martin必能保持佢招牌式笑容，現在每個香港人都咁緊張大壓力，由Martin教大家點去減壓最適合不過！
記者：黃秋燕
攝影：林柏鈞
同Martin傾偈最開心，因為他無時無刻都會保持令人開懷的笑容，還製造很多笑話令大家可暫時忘憂，大家最有印象的一定是他煮餸時的演繹方法，確實帶給觀眾很多歡樂。
原來一切都源於Martin的樂觀性格，當中亦有一段古，話說當時年紀小，父母均不在身邊的他，事事都要自己處理，開心又要做，唔開心又要做，既然係咁，不如開開心心，久而久之就變得樂觀。「因此我成日保持微笑，人哋同你講嘢都開心些，就好似現在嘅香港人一樣，我希望大家都可輕鬆及開心地面對困難，齊心合力一定可做到。」
Martin之所以咁鍾意入廚，因為入廚帶畀佢無窮樂趣，「除了煮之外，其實去買餸一樣很開心，揀選自己喜愛的食物，投入整個過程中，享受當中的快樂。而且入廚是與家人溝通的好橋樑，透過煮餸，可分享各人的喜樂憂愁，壓力自然減少。」Martin坦言食得好，身體才會好，壓力自然就會冇。
講到其他的減壓方法，Martin當然唔止淨係入廚啦，他表示：「我平日雖然很忙，但我都會盡量抽時間做運動，好似釣魚同打Golf就最喜歡，多做些舒展運動，身體健康，精神都會好些，做起事來更有衝勁。」
金菇魚片雞精紓壓羹
Martin話中國人最鍾意飲雞湯，因為營養豐富夠健康，而選用魚片因含豐富蛋白質外，還含有鎂、鋅等有助紓緩緊張情緒和抗焦慮物質。最特別嘅係羹湯內加入雞精及脫脂奶，Martin話：「雞精有助紓緩情緒壓力多數人都知，而加入脫脂奶使羹湯入口更香更滑，而且脫脂奶中的鈣質及維他命B屬天然鎮靜劑，有助鎮靜神經。」Martin果然夠晒寫意！
材料：
魚肉150克（約4両）切片、上湯2杯、生薑2片拍碎，小棠菜4條（1開4），鮮冬菇2隻切片、草菇1/4杯、杞子2湯匙浸軟，脫脂奶1/2杯，米酒2湯匙，鮮金菇25克去根，葱1條切段、鹽、胡椒粉及麻油調味，雞精1樽
醃料：
生抽1茶匙、生粉1/2茶匙、鹽1/4茶匙、白胡椒粉1/4茶匙
做法：
和風雞精錦繡蒸蛋
𠵱家香港經濟唔好，再加上近日病菌肆虐，令每個香港人都活在惶恐中，壓力可想而知有多大，Martin話壓力下身體消耗大量維他命，身體自然唔會好，因此除了要每日樂觀面對事物，減少壓力之外，還要進食多些健康的食物，好似蔬菜同雞蛋，雞蛋含有豐富的維他命B，有助抗焦慮，而菠菜及芫荽含豐富的維他命C，有助增強抵抗力，芫荽中的維他命E及礦物質，是有效的天然抗氧化劑，對身體細胞有極大的保護作用。未雨綢繆，想身體健康就要懂得選擇營養豐富的食物。
材料：
雞精1樽、雞肉60克、鮮香菇2隻、蘑菇2隻、芫荽葉少許、胡椒粉、糖、鹽各少許、蛋5隻、鮮蝦6隻、清水3碗、魚片6片、菠菜（灼熟切絲）
做法：
1.雞肉切小塊，用糖、鹽及胡椒粉稍醃片刻、鮮蝦去殼留頭尾。
5.擺上菠菜及芫荽即可。
「健康嘅菜色唔一定要清清淡淡，只要材料健康配搭得宜，好似這款減壓菜，選用鮮蝦仁及帶子，同魚一樣含豐富礦物質鎂同鋅，有助減輕緊張的情緒，再加埋有豐富纖維素的西蘭花同椰菜花，亦可助降低血脂及血壓，多食蔬菜還可暢通腸胃。」Martin炒時鑊氣十足，香味撲鼻，簡直色香味俱全！
材料：
鮮帶子、蝦仁各150克、椰菜花、西蘭花適量，沙律油1湯匙、蒜末2茶匙
調味１：鹽6茶匙、薑汁4茶匙，蛋白3個，生粉1茶匙
調味２：魚露2茶匙、酒2茶匙，雞精1樽，太白粉4茶匙
做法：
1.蝦仁去腸洗淨，由背部切（不要切斷），加調味1拌勻醃10分鐘，西蘭花、椰菜花切成小朵，以滾水灼1分鐘取出。
2.以1匙油熱鍋，蒜末爆香，再把蝦仁、鮮帶子、西蘭花、椰菜花及調味2快速炒勻即可。