【本報訊】張國榮身為巨星級藝人,外表風光,承受的壓力卻非外人可想像。他凡事要求完美,對自己要求極高,不容自己有任何閃失。
張國榮一延再延的唱片中,有一首歌《夜有所夢》就是他的心情寫照,顯示正在受失眠的煎熬,歌詞中有「沈睡中、為何拿刀」、「夢境那樣恐怖」、「偷窺我」、「睡不好只為噩夢太吵」等。
英皇娛樂老闆楊受成說:「上次見張國榮係三、四個禮拜前,佢表現好唔開心,佢其實唔開心咗成半年,佢覺得自己做戲唔好,歌又唱唔到,本來有部戲佢做導演,但因為姓石嘅老細出咗事,所以做唔到,所以佢覺得好唔如意,畀自己好大壓力。」
鄧光榮則說:「我眼中嘅張國榮係追求完美嘅人,近呢年佢有心結,所以神經衰弱,佢好聰明,但思路好複雜,我都幫佢唔到。我同三個圈中人係世交,陳百強、羅文同張國榮,唉,大吉利是!我重爭佢一餐龍蝦餐,原本等埋張學友一齊食。」