跟張國榮亦師亦友的槳壇前輩歌手潘迪華，昨日接獲張國榮死訊時，一度以為是愚人節大整蠱。直至看到新聞報導，才知道痛失好友。潘迪華昨在電話中說：「一聽到消息，我成個人即刻凍冰冰，我唔知道佢究竟為咗乜嘢原因，咁後生就去咗，有乜嘢咁想唔開啫？」
潘迪華指張國榮不但止是一個感情十分豐富的人，而且，他的歌曲亦充滿情感，潘迪華說：「記得當年佢參加歌唱比賽唱《AmericanPie》，我同黎小田有份做評判，一聽見佢唱歌，我已經覺得佢好有風格，把聲好靚，好有感情，而且佢亦有做藝人嘅一種光芒喺度，可以話聲色藝俱全，所以當時我畀分係畀佢第一，唔知點解到最後佢只係得第二名。」潘迪華表示，她跟張國榮因合作拍電影《阿飛正傳》而熟絡，對方一直對她十分尊敬，對於張國榮的死訊，潘迪華表示心情十分沉重。
本報記者