楊千嬅前晚為新片《美麗任務》開工，片中千女華飾演交通女警，前晚一幕講述她跟匪徒槍戰，更有警車爆炸場面，但千女華都親身上陣，反而她最怕一場咬電線戲，因為最近非典型肺炎肆虐，她害怕因此中招。
楊千嬅前晚在西環拍攝電影《美麗任務》（前名《新紮師妹II》），扮演交通女警的千嬅前晚拍攝警匪槍戰場面，更有一場警車爆炸戲，威風凜凜。電影公司為方便拍攝，特別安排封街，但仍吸引了一班途人圍觀，部份更戴上口罩觀看。
警方前晚亦派出衝鋒車和六名警員到場戒備，拍攝警車爆炸場面時，千嬅走得很近爆炸點，她說：「我都唔係好驚，拍呢啲場面警方都好支持，我朝早都拍咗一場爆炸戲，亦試過拍跳樓戲，要喺二樓跳落去，我一向畏高，不過我想逼真啲，所以最後都自己跳，咪當玩跳樓機囉。」
問千嬅拍攝爆炸場面時，可有買重保險？千嬅說：「你哋（指記者）提醒我，我真係冇買，但我做咗加胸墊嘅保護方法。不過有一場戲講我要咬斷一條電線，𠵱家非典型肺炎咁嚴重，雖然條電線消咗毒，但我都好驚，好彩呢場戲都一take過。」
此外，有一名滿身酒氣的外籍男子，前晚大讚千嬅靚女，整晚在拍攝現場團團轉，不肯離開。千嬅去哪裏，他也幾乎貼身追隨，事後千嬅說：「我唔係好驚，我都有叫佢支持香港電影。」
採訪：陳梅香
攝影：何國豪
