鄭漢鈞噚日最後一日做房委會主席，成班傳媒朋友同佢餞行。原來鄭伯最初被邀請做房委會主席時，佢第一個反應係：「咪搞！」佢話第一個拒絕嘅理由，係自己年紀大，但佢咁精神，出任公職又多，呢個理由不攻自破；跟住佢就擺個仔上枱，話個仔做緊房委會委員要避嫌，但老董一於少理，重話佢唔係先例；最後鄭伯惟有祈禱，睇上帝旨意畀唔畀佢做。
避無可避之下，鄭伯一做就做咗兩年半主席，𠵱家諗番轉頭先覺得愈做愈順利，重學到好多嘢，佢話：「最大嘅損失係打少咗好多高球，搞到球技退晒步，唔夠十四歲嘅孫仔打。」鄭伯呢兩個禮拜多次上大陸打高球，但唔知肺炎咁勁冇戴口罩。
（圖）鄭漢鈞離任房委會主席，接受傳媒朋友送上嘅餞別卡。
傳真︰2623-9278
電郵︰