李克勤昨日到港台擔任節目《娛樂滿天星》嘉賓主持，對於「左麟右李」演唱會是否如期演出，克勤說：「其實到今日為止都冇收過有關當局話唔畀我哋做，所以會如期舉行。其實紅館已經開始清洗冷氣槽同清潔場地，又會進行地氈式消毒清潔，我喺度勸啲歌迷到時唔好吹BB，唔好買禮物，親朋戚友就唔好送花籃，費事多隻香爐多隻鬼，等場館乾淨啲。」
被問到會否考慮退還歌酬延期演出時，克勤說：「我哋歌酬只係佔好少部份，況且成件事唔只係我哋問題，總之家家有本難念的經，如果我哋延期，咁之後開演唱會嘅黃霑同汪明荃又點呢？」
黃霑和呂方昨日在紅磡綵排，對於會否取消演唱會，黃霑說：「紅館未有通知，但係我哋都冇應變方法，惟有見步行步囉！」霑叔透露邀請了曾志偉及陳百祥等出任嘉賓，一旦要改期便很麻煩。