纖體成功的韓君婷，昨日身穿背心短裙往銅鑼灣怡東酒店，將減肥棒交予陳松伶及梁珮瑚。陳松伶自言目前體重達一百三十二磅，腹部與坐圍則分別有三十三吋半與三十八吋，希望可在六星期內減去十八磅。
陳松伶說：「屋企人個個叫我肥豬扒，今次係陶敏明介紹我嚟纖體，我希望可以攞番『窈窕淑女』呢四個字，就算佢哋第日要我着三點式拍廣告都冇所謂。」
而梁珮瑚則稱目前體重有一百三十一磅，而腹部與坐圍分別有三十四吋和三十八吋，希望六星期內減去十六磅。早前有記者拍下梁珮瑚選購嬰兒衣服的照片，有傳此舉是為拍纖體廣告鋪路，她昨日否認道：「梗係唔係啦！係我肥咗之後啲纖體公司打去慧妍雅集，加上我同前任代言人向海嵐熟，佢話唔使食藥，所以我至揀呢間。」
此外，昨日有人報料指梁珮瑚任職保險公司的男友常問人借錢，她昨日否認說：「EricChoi係我男朋友，但佢冇問人借錢，我覺得係啲人亂咁講。」 採訪：馮美茵
攝影：陳慧安
