【本報訊】「坐監都可以行吓散吓步吖，但我哋唔單止唔可以行出去，重要喺可能充斥病毒的環境中枯燥哋生活十天，真係好難頂，唔知點算。」部份淘大花園E座的居民，對於政府的隔離措施，認為來得太突然及倉卒，令他們不知所措。
一名姓林女住客更形容遭隔離慘過坐監，並指摘昨日提供早餐麵包的人員態度好似「餵狗」，追問對方如何添購必需品「乜嘢都話唔知」。
一家三口居於E座的林太昨日接受本報記者電話訪問。她說，女兒已外出工作，兒子讀中五昨原須返學校考模擬試也未能應考，已將境況知會校方獲例外處理，而一家人被告知不准離開家門。但晚上有關方面派飯時又要他們落地下大堂取飯，並告知以後一日三餐都要到大堂領取。「咁多人一齊搭電梯，迫埋喺大堂咁細嘅空間度，咪重容易傳染。」
漫長的十天，第一晚如何度過，林太苦笑道：「都唔使返工，聽日唔使咁早起身，咪瞓晏啲，上網睇電視留意最新嘅消息。」
對於衞生署突然實施隔離令，林太批評政府太過倉卒及準備不足。「困我哋十日，真係慘過坐監咁，坐監住醫院早餐都唔止一嚿麵包，坐監都有得行吓散吓步吖。佢哋朝早喺咁『隊』嚿麵包入嚟，好似餵狗咁。問佢哋點樣添購必需品，乜都話唔知，留低兩個電話號碼算數。打電話去問，想對方幫手買份報紙，一直冇回應。」林太氣憤地道。其後才收到一份通知，住客可透過通知親友代購及網上購買送至地下大堂轉交。
林太埋怨稱：「你（政府）當初就唔好畀人去威爾斯醫院探病啦……威爾斯醫院死人又唔封，𠵱家就識得封（淘大花園E座）。」她又表示，女兒任職的公司已有裁員壓力，較早時公司已通知她放假七日，冇事才返工。現時要封樓十日，她害怕女兒工作不保。
一家人在家無所事事，只好看電視、上網及睡覺打發時間，門口也不出。「喺大廈內周圍行冇人理你，但𠵱家咁嘅環境，邊敢行出去呀。」她又說，上周四起沒上班已很少上街，至今已是第五天呆在家中，還要捱多九天。