非典型肺炎正在社區擴散，但李克勤和譚詠麟的「左麟右李」演唱會仍如期舉行。記者昨日在銅鑼灣進行街訪，訪問了近五十名巿民，約有七成被訪者表示不贊成演唱會如期舉行，因為他們覺得人群集結的地方容易傳播細菌。
採訪：馮美茵 攝影：陳慧安
（圖）李先生： 我之前買咗TheRollingStones嘅飛，但都取消冇得睇，好可惜，所以其他演唱會為安全都應取消。
Cindy： 我有買到飛，到時會戴定口罩去睇，如果入場發覺空氣污濁，我或者會立即離開，始終安全最緊要。
李先生： 我一定會去，有口罩可以戴住，使乜驚喎。
陳小姐： 主辦單位應該立即取消或延期演唱會，咁多人會好危險。