因疫症而引發股市出現恐慌拋售，唔知有冇往例，回歸幾年，港人已變咗弱勢社群，今次天災，更令到港人信心全面崩潰。過去幾十年，港人一直默默耕耘，白手興家，即使90年代經濟蓬勃發展，樓價急升，亦都係止於意氣風發而已，冇做過傷天害理嘅事，點解會淪落到今時今日咁嘅地步？真係無語問蒼天！
長達年半的支持線（約在8700水平）終於失守，止蝕沽盤湧現，結果係恒指大跌228點，收8634，期指更直線滑落，低收8491，大低水143點（好耐都未試過咁殘）。舊曆3月未到，個市已經大跌，未來兩個月嘅高危期，重有排「傷」。
相對藍籌股而言，國企都算硬淨。噚日上升股仍有80多隻（唔計認股證），家吓唔係冇得玩，首選自然係沽輪，次選就係中國市場概念股，只要唔掂同香港經濟有關嘅股份，特別係啲零售、酒店同航空股，唔會有大問題。
大慶石化（362）市場以中國為主，佔93%，係大慶市政府的海外窗口公司，去年12月中，股價曾大幅滑落，但最近宣布的業績，仍保持增長，則現水平股價便顯得吸引。
截至02年12月止的半年，大慶石化營業額1.87億元，升26.9%，盈利4280萬元，升14.4%，每股盈利4.9仙，集團主要產銷潤滑劑和防腐塗料，盈利上升由後者帶動。
期內防腐塗料營業額6826萬元，升87.5%，經營利潤2202萬元，升63.8%，主要是獲得「西氣東輸」及「東江水工程項目」合約。由於中國的防腐塗料市場非常龐大，尤其是海上專用防腐塗料，每年需求量逾30億元人民幣，因此集團已將防腐塗料列為重點發展項目，分別在寧波設廠，又與大型造船廠渤海重工組成合營公司進行生產，預期到05年，佔集團總營業額的比例會由目前的36%上升到50%。防腐塗料項目一般需要每隔一兩年定期保養，此方面亦會為集團帶來穩定收益。
現年度，估計大慶盈利可達8600萬元，每股盈利9.8仙，預測PE2.2倍，大市若跌定，可博反彈。
郭兆誠