以健康的普通話老師形象成功出位的利嘉兒，被本報拍得她與男友在尖沙嘴同居，近日二人更頻頻到首飾店選戒指，大前晚更拍拖看LMF的音樂會。
前日記者致電利嘉兒，向她求證拍拖和同居一事，其經理人透過電話回覆說：「利嘉兒話佢冇拍拖，嗰晚去睇演唱會，佢只係同兩個朋友去。」近日非典型肺炎肆虐，但利嘉兒本月中會帶團返內地及教團友普通話，其經理人對此則表示暫未知是否成行，要待旅行社決定。
而利嘉兒的前男友、《娛樂大搜查》主持李中希昨日在銅鑼灣工作時碰到記者，他說：「我哋（指利嘉兒）分開咗一年，重有電話聯絡，感情就好似屋企人咁，但我唔知佢拍拖，我哋冇講拍拖嘅嘢。」至於和利嘉兒分手的原因，李中希則不肯透露。
採訪：戴彩煥、馮美茵