曾經因懷孕而暴肥的鍾麗緹（Christy），自從瘦身成功後，不但回復當年男士眼中的性感女神，更是不少女士心目中的偶像，還紛紛打探她的KeepFit之道。不過在Christy心中，靚的定義是：「要有少少肉地才叫靚、叫性感。」今次就由她向你講解，點樣營造出這種健康的性感。
記者：羅惠芬
攝影：伍慶泉（人物）、陳智良（產品）
跟一些以瘦出名的女星相比，也許你會認為鍾麗緹並不是至Fit那位。不過，鍾麗緹就話：「有啲肉先會有Shape，先叫靚！如果瘦到兩隻腳似條藤咁，就係病啦！」
雖然已經事隔幾年，但大家對Christy曾經暴肥後變索女的過程，相信依然記憶猶新吧！97年生完BB後，身材肥胖的她，參加了纖體計劃，加上勤練KickBoxing，極速收身成功。
自言已經過了最辛苦的階段，今日她的KeepFit之道是：「一定要用健康的方法，在運動和飲食方面下工夫。」所以她在6年前開始做瑜伽，排毒之餘更可以令身體保持柔軟度，做完成個人都好Relax。飲食方面，她主張均衡飲食，避免吃太油膩的食物。「我唯一死穴係甜品，每餐無此不歡。」
近距離細看，發現Christy唔單止身形靚，原來她的皮膚重靚，未化妝皮膚已經好有光澤，就連化妝師RickChin也大讚。
Christy話自少已經好有護膚意識，15歲已經勁刨美容雜誌，得閒就同媽咪研究皮膚護理。平日多飲水、用蜜糖敷面、茶包去眼袋、每日一匙燕窩等，都是她會做的護膚工作，好普通並無特別。較特別的，是每次出暗瘡，都會以「辣」攻毒，佢話：「好有效！而且我會經常轉換唔同的護膚品，以免適應了對皮膚無效。」
本身是中越混血兒的Christy，面部輪廓已經非常突出，不過，同好多女孩子一樣，她同樣鍾愛可以令雙眼更Sharp的妝容，尤其SmokyEye更是其至愛；顏色則偏好啡、灰等EarthTone色調。「配一個NudeLip就最完美！」
Christy是眾人眼中的性感女神，但在她心目中，最靚的女人並不是甚麼惹火尤物，而是近年專注保護兒童工作的蕭芳芳。「芳芳姐真係好靚，尤其着起旗袍，真係無人能及！而且佢好有幽默感，與其說靚，倒不如話係欣賞來得貼切。」
GiorgioArmani、SK-Ⅱ
地點：金鐘太古廣場西武
Bloom、Clarins、LaMer
地點：銅鑼灣崇光
Julique
地點：JoyceBeauty