NAMCO超人氣大作《SoulCalibur2》跨平台登陸三大主機，兼且各有獨家人物使用，除PS2嘅三島平八及GAMECUBE嘅林克外，XBOX更有西方機迷至啱Feel嘅再生俠（Spawn）登場。呢名由漫畫家ToddMcFarlane所設計嘅角色，以暴力及古怪攻擊見稱，踩入《SoulCalibur2》後相信勢必打到飛起，絕對可滿足格鬥迷嘅爽快要求。XBOX版除例牌對應5.1音效外，重罕有地支援HDTV高解像顯示（720P），憑住XBOX機能，相信亦係三個版本中最靚。行貨暫定4月4日推出，定價$299，屬三個版本中賣得最平。據代理透露，同期重會製作一批精品畀Fans，詳細資料雖未有定案，不過《打機樂園》將必爭取一定數量精品送畀讀者，有興趣嘅機迷就要昅實喇。
記者：徐影龍