李克勤昨日於九龍灣會展為「第64屆全犬種冠軍展」擔任頒獎嘉賓，對於本周五開鑼的「左麟右李」演唱會有可能要押後，他說：「其實我同阿倫（譚詠麟）都好被動，我哋都簽咗約，就連主辦單位都好被動，六場收入成千萬，如果取消對主辦單位嚟講錢係一個好頭痛嘅問題，我哋只可以睇政府嘅反應，所以都要等聽日先知有乜嘢答案。」
問克勤會否覺得成為磨心，他說：「唔希望係，最好紅館可以畀到個期我哋，之後嘅演唱會都順延押後，咁樣係唯一令損失減到最低嘅做法。」
此外，「左麟右李」演唱會主辦人陳達志（Ba叔）昨日在電話中表示，政府至今仍未有硬性限制四月與五月的演唱會舉行，而紅館負責人今早會與該兩個月份舉行演唱會的主辦人開會，商討是否要延期等問題。
採訪、攝影：王崇穎