自從HP跟COMPAQ合併後，產品似乎並未因此而混合推出，兩者均分別有明顯之市場對象。除PocketPC外，連桌面電腦都唔例外，最新搞作就係兩個品牌都同時推出一系列新機。
記者：徐影龍
首先講COMPAQ嘅Presario系列，機箱依舊採用流線型設計，以銀色配黑色作主要色調，賣相頗為吸引。新機最大特色，就係玩圖像多媒體為主，內置顯示卡並非一般平價整合式晶片，而係可選擇ATIRADEON9000或nVIDIAGeForce4MX420，更支援最新嘅DDR33364MB高速記憶體，雖然兩大龍頭產品各有捧場客，不過應付立體圖像工作都咁出色。處理器方面主要為AMDAthlonXP2400+、IntelP42.4MHz或P42.53MHz三款，至於光碟機選擇就較為普通，只有ComboDrive或CD-RW兩款，不設燒錄DVD型號，整體賣價亦比HP較平。
HP嘅Pavilion系列方面，就以最強家庭娛樂為號召，顯示卡配備電視接收器（RF），電腦不但懂得自動追台，更可定時錄製電視節目，編輯後便可燒錄至CD或DVD內。嫌個芒細，當然亦可透過顯示卡之輸出介面，直駁電視作全畫面播放，欣賞大電影或打機就至啱。音響效果亦屬強項，跟機附有HarmonKardon立體聲喇叭，音效卡支援5.1輸出效果，接駁其他環迴喇叭後可大幅提升電影臨場感。光碟機方面，除CD-RW外，貴價型號重內置埋2.4×DVD+R/RW，大量影片或資料都可抄至DVD內。最後一提係機前不但設有最新嘅FireWire及USB2.0介面，重有六合一記憶卡讀取器，市面熱門之種類都可對應，抄相夠晒方便。
兩個系列新機各有三款唔同規格及賣價，用家可應因唔同需求而選擇，詳細資料可瀏覽其官方網頁，作進一步參考。
HP、COMPAQ香港官方網址：