近期本地汽車業交上厄運，不利消息接踵而來；喺大幅調高汽車首次登記稅嘅陰霾下，就連城中富豪亦有意打退堂鼓嘅平治Maybach，新定價動輒要超過650萬以上，令一眾精明嘅商賈富豪亦大感物非所值。而亞Mark聽聞代理商，原定會以香港作為東南亞地區嘅樞紐，替Maybach設立後勤及支援部門，以應龐大嘅中國市場及其他鄰近地區，作快速維修同銷售重點，亞Mark亦以身為香港一分子而大感自豪。惟響苛稅嘅大前提下，Maybach車價較加入世貿(WTO)後嘅內地汽車市場，有過之而無不及，因而側聞代理亦有意將原定設於香港嘅基地，北移往上海或北京，此舉不僅會打擊香港喺東南亞嘅地位，更甚者重會影響一班資深講求技術嘅汽車從業員，為政者又何苦去到咁嘅地步呢？