自稱係女同志嘅俄羅斯二人組合Tatu，早排俾人揭穿佢哋有男友，但成員Julia同Lena即刻話自己係雙性戀，講到博宣傳真係冇人比得上佢哋。
但噚日有英國報社請嚟Julia嘅前男友Anton爆料，佢話以人格擔保Tatu兩個女仔都係「直到唔直」，而且重係逢男人都啱，搞完大佬連細佬都唔放過！
現年二十一歲嘅Anton話，Julia曾經同佢講過，搞同性戀只不過係為咗出位，因為咁樣先賺到錢。Anton重講，初初聽到Tatu話自己係同志嗰陣，即刻笑咗出嚟，因為佢同Julia拍拖嗰陣，一晚可以馬拉松式咁做六、七次，而且Julia重好鍾意喺車入面偷情，話咁夠刺激。每當完事之後，Julia就會乖乖哋同佢燙褲，好似傳統俄羅斯女人一樣。
Anton重爆料話，Julia同佢拍拖期間，亦都有同佢細佬發生關係，而且重係Julia主動出擊，務求征服晒佢兩兄弟喎！