非典型肺炎肆虐香港多日，特首下令全港中、小學、幼稚園由上星期六起齊齊停課9日，下星期一先再返學。不過有學者擔心學生會趁呢段時間掛住出街蒲而染病，令停課出現反效果。其實現今科技發達，一部電腦能知天下事，又可溫書同打機，唔出街一樣唔怕悶，爹哋媽咪大條道理實施宵禁令。
記者、攝影：徐影龍
ImageGirl：Winnie
網址：
新聞報道話有學生因為臨近會考，而唔希望停課，似乎覺得會考比健康更重要。咁緊張嘅話就要睇吓「香港考試及評核局」個網喇，入面除咗有最新消息，如高級程度會考及中學會考均如期舉行、非典型肺炎下公開考試嘅安排等新聞發布，亦有齊試前準備、答題技巧等考試貼士，若果一個唔好彩抱病未能應考嘅話，亦有「特別事故」教你應該點做。
網址：
真正具進修價值嘅網站，主要以英文教學為主。網站入面除咗有考試策略及試前準備外，重有大量讀書技巧教畀你，如寫撮要、閱讀技巧、製作資料圖及做筆記等，相當有參考價值。網站內亦有各式各樣嘅課題練習，唔返學都可保持練習心態，家長亦可Keep住仔女進修。
網址：
針對小朋友學習為主，網頁設計簡單吸引，有齊中、英、數同遊戲四大部份，收錄高、中同低班嘅問題，兼且圖文並茂，相信可吸引小朋友嘅學習興趣。最得意係遊戲部份，主要玩連線遊戲，將一點一點連成一個公仔，小朋友實鍾意。
上網除咗吸收資訊外，當然唔少得打吓機調劑吓。雖然唔少人熱愛OnlineGame如《Diablo》、《RainbowSix》等，不過全部都屬付費性質，又要買原裝碟，並非個個有興趣。近排Microsoft嘅「GamingZone」就加入唔少新Game，雖然全屬小遊戲，不過勝在簡單易玩兼完全免費，有啲重專為小朋友而設㖭，停課喺屋企，隨時都可以上網玩吓。
網址：
筆者認為全個網站做得最靚就係呢隻高爾夫球Game，場景靚到媲美獨立安裝嘅PC版，而且人物動作及各類設定都好仔細，又易上手，不論是否高球迷都好啱玩。
介面設計亦屬美輪美奐嘅賽車Game，雖然唔及3D製造咁逼真，不過四架車喺場度你爭我奪撞嚟撞去都好刺激。遊戲致勝之道在於把握加速技巧，十足十《極速傳說》咁過癮。
「GamingZone」入面有一部份專為小朋友而設，足足有成12款唔同嘅遊戲，顏色運用好鮮豔，玩法又簡單，最啱小朋友。筆者推介當中嘅《LEGOStack-It》，以叠起大量LEGO玩具，承托氣球為目的，絕對滿足熱愛LEGO嘅小朋友。
網址：
要清楚了解非典型肺炎情報，衞生署個網頁資料算幾齊。除咗講解呢隻病毒有關資料外，重有一個「非典型肺炎答問」，以一問一答精簡形式講述相關情報，如病徵、傳播途徑等，唔會太長篇大論咁講，令人更易吸收。網站內亦有齊政府畀各界嘅衞生指引，包括市民、醫護人員、學校及旅遊人士等多項分類，主要教大家點樣防範呢隻世紀病毒，以及有齊公立同私家醫院嘅電話號碼，資料算幾齊。
值得一提係網頁會公布最新嘅病人數字，更新速度令人滿意，除公布最新染病人數外，亦有康復人數，不過資料唔算太豐富。
網址：
頗為著名嘅健康網站，除有最新嘅非典型肺炎新聞外，重搜羅全球同健康相關嘅新聞，某些報道頗為有趣，如屁股大女性較健康等。最正係「都市病系列」，有齊香港三十款熱門都市病資料，十分有參考價值，可惜呢Part唔夠Update，未有講及非典型肺炎。