許志安與周麗淇前晚以嘉賓身份，出席EmporioArmani在中環總店舉行的春夏派對。周麗淇前晚表示早前為新片《豪情》試造型時，要加三個pad扮舞女，電影公司還提供大批四級鹹書，簡直像看婦科雜誌，周麗淇更建議大家飯前飯後不要看。
意大利名牌EmporioArmani前晚假中環ChaterHouse總店，舉行春夏派對及時裝展，許志安和周麗淇（Niki）等出任嘉賓。
最近非典型肺炎在淘大花園迅速擴散，早前患上感冒的Niki，前晚甫抵達，有男fans趨前問她是否病愈？她笑着反問對方何以這樣關心她，怎料該名男fans回答她說：「我住喺淘大花園嘅。」把Niki嚇了一跳。
談到近況，Niki表示剛為新片《豪情》試造型，她在片中飾演舞女，要稍作性感，她說：「我試造型時要加三個pad，我自己就覺得好假好誇張，不過係笑片冇所謂啦。」她並指導演等人稱會帶她去夜總會見識一下，她說：「佢哋話一定要拉埋我去，唔係就會俾人話佢哋成班男人去滾。」
Niki更笑言試造型時，電影公司內有大批四級鹹書供應，她笑說：「簡直好似睇婦科雜誌，我建議大家飯前飯後都唔好睇呀。」
此外，獲Armani無限贊助服裝的安仔，前晚識做地大讚Armani，他說：「真係因禍得福，我之前去泰國曬太陽俾人偷影過，唔知係咪啲名牌見我身形OK，紛紛同我傾合作。而Armani我一向好鍾意，好classic，同我一樣係『好嘢』。」
對於報道指安仔與經理人黃柏高（Paco）不和，經好友張衛健引薦簽約新經理人公司M8，安仔說：「我同Paco係心照嘅，大家合作咗六年，一切都盡在不言中，𠵱家係有啲嘢煩緊，不過係一個happytrouble。」
安仔續說：「我承認M8有搵我傾，但係乜都未落實，我簽邊間公司唔止睇錢，重要睇吓將來嘅發展，Paco知有咁多人搵我，佢都開心㗎，證明佢冇睇漏眼嘛，我𠵱家唔心急，大概一、兩個月內會有決定㗎啦。」
採訪：林妙萍
攝影：陳志嵐
