關婆婆晚年與長子阿偉及患輕度智障幼子阿明相依為命，靠綜援金維生。豈料阿偉日前在家中猝死，遺下關婆婆傷心欲絕，更為無力殮葬兒子終日憂心忡忡。蘋果日報慈善基金即時從「殮葬專戶」撥款，助關婆婆支付亡兒殮葬費，解其眼前燃眉之急。
七十歲的關婆婆向到訪記者哀傷地表示﹕「嗰朝我見阿偉遲遲未起身，走入房諗住叫醒佢。點知發現阿偉瞓響床郁都唔郁，全身冰凍。我即刻打電話報警，但救護員嚟到話阿偉已經死咗，死因要等遲啲驗屍報告出至知。」
關婆婆的長子阿偉，日前在家中離奇死亡，享年四十七歲。氣虛體弱的關婆婆說，阿偉原任職地盤雜工，是家庭經濟支柱；近年市道欠佳，阿偉持續開工不足，舉家遂靠綜援過活。關婆婆說，「阿偉好乖仔，為人孝順又顧家。佢知道屋企環境唔好，好細就出社會打工養家，直至前排完全無辦法搵到工，惟有跟我同阿明一齊攞綜援金生活。」
關婆婆的三十五歲孻子自幼患輕度智障，多年來在庇護工場從事清洗汽車，收入微薄。
關婆婆歎道﹕「細仔阿明每月得幾百蚊人工，幾乎唔夠佢攞去搭車返工放工。一諗到大仔阿偉無端端去咗，以後剩得我同阿明咁淒涼，我就好心痛。」觸及傷心處，關婆婆禁不住老淚縱橫，泣不成聲。
關婆婆原籍中山，數十年前來港後一直從事家庭傭工，刻苦耐勞。自丈夫於八年前病逝後，遺下關婆婆與兩兒相依為命，三母子感情深厚。
阿偉猝死，令關婆婆十分悲痛難過，更為缺錢支付亡兒的殮葬費彷徨不安。「我打算幫阿偉火葬，但都唔知點樣籌一大筆錢返嚟！」關婆婆在鄰居協助下已向社會福利署申請殮葬津貼，仍待審批。
蘋果日報慈善基金了解關婆婆的情況後，即時從「殮葬專戶」撥款二萬元，助她辦理亡兒的身後事，紓緩其經濟壓力。
關婆婆捐款編號：C0881
為援助經濟緊絀家庭辦理殮葬事宜，蘋果日報慈善基金特設立「殮葬專戶」，減輕有需要人士在殮葬費方面的負擔，請讀者繼續捐款支持。
捐款編號：CO339
暖流熱線
電話:29908688
傳真:23702192
電郵:
網址：