非典型肺炎令全港巿民恐慌，卡拉OK、戲院首當其衝，生意額一落千丈。卡拉OK的不景氣，再加上市面蕭條淡靜，難怪令原定在下月復活節出碟的盧巧音和何韻詩，也備受肺炎事件影響而延期推出。
盧巧音所屬的Sony唱片公司唱片部經理王凱文，昨日在電話中說：「盧巧音隻碟預計喺下個月出，初步係會受到肺炎影響，我哋絕對會考慮延期。」將在下周出碟的何韻詩，現時亦大有可能押後推出，她所屬的EMI唱片高層陳輝虹昨日接受電話訪問時說：「佢張碟好有可能延期，下周初睇下市道點再決定。」
英皇男子組合Boy'Z雖暫定如期在四月出碟，但卡拉OK業之生意有如江河日下，有業內人士更指出，卡拉OK之生意額竟急跌超過七成，故Boy'Z已奉命於今日作出救亡行動為Neway拍攝宣傳片。Neway發言人Grace昨日在電話中說：「我哋公司嘅生意跌咗二十幾個巴仙，所以我哋除咗減價外，Boy'Z會同我哋拍一條片，係講卡拉OK已經消毒，大家可以放心唱K。」
至於BigEcho的老闆娘Apple姐，昨日亦承認生意下跌七成，而Energy的負責人簡先生在電話中亦說：「跌七成咪保守囉，𠵱家做乜都冇用，做少啲，少啲人返工就蝕少啲。」
採訪：朱芷瑩、馮美茵
