九龍灣樓盤三日無成交

【本報訊】九龍灣淘大花園近日不但成為非典型肺炎疫症災區，更拖累整個東九龍二手屋苑睇樓量大幅下跌，單是昨日便減少了兩成至逾五成不等，且未錄得任何成交。代理表示，約三成淘大花園業主更謝絕睇樓。

拒絕帶客往E座
中原地產九龍灣分區經理林海帆表示，由於淘大花園的肺炎個案不斷增加，昨日的睇樓量大跌逾五成，約三成業主更暫停開放單位予人睇樓。至於同區的德福花園及麗晶花園，睇樓量亦跌三成，一成半業主暫停代理帶客睇樓。未要求暫停睇樓的業主，也一定要代理及客人戴口罩方容許睇樓。該三個屋苑過去三日都沒有成交個案。
他續說，由於淘大花園E座成高危地方，他們亦暫時拒絕帶客往該座睇樓，並會為淘大花園分行進行徹底清潔消毒。
市傳美聯物業及利嘉閣淘大分行暫時停業，美聯物業營業董事羅國安稱，為顧及職員安全，除清潔消毒外，已安排該屋苑分行員工暫時轉去其他分行或分區工作，但並沒有關閉分行。利嘉閣亦否認有分行暫時關閉。

未出現減價情況
此外，利嘉閣區域經理楊淑美指出，除肺炎事件外，新盤開售也是減弱二手睇樓的原因之一。她說觀塘麗港城及藍田滙景花園昨日的睇樓量也下跌兩至三成，只有約十名客人睇樓，約兩成業主謝絕睇樓。然而，因為業主都相信肺炎只是短期事件，故暫未見有減價情況出現。