近年，德國猛獅（MAN）深受本港運輸界歡迎，當中除九巴、城巴及新大嶼山巴士，選用NL262/NL263R單層巴士及24.310雙層巴士服務市民大眾外，就連各政府部門（如消防處）亦選用猛獅作部門用車，從而可見猛獅嘅產品係幾受用家歡迎呢！
然而，猛獅代理合德汽車為爭取更高市場佔有率，日前喺本港正式推出全新TGA拖頭系列，並舉行全線貨車及巴士車展。全新TGA車系，備有18.413FLRS4×2單擔版，與及26.463FDLRS6×4孖擔版供用家選擇；駕駛室外形貫徹有歐洲式貨櫃拖頭設計，望落極具吸引力之餘，另外更可配用原廠車身包圍及擾流器㖭！房車化車廂布局亦予人有一份實用性，除備有多個雜物匣外，重有電窗、高級音響等配備，享受及駕駛舒適度可謂更上一層樓。引擎配搭方面，18.413FLRS4×2單擔版用上一台11967cc直6柴油Turbo偈（410匹），而26.463FDLRS6×4孖擔版則為12816cc直6柴油Turbo偈（460匹），不但符合EuroⅢ環保條例及動力輸出強勁，配合一套16前速同步齒合連氣動輔助轉波設備嘅波箱，就算拖住載滿貨物嘅貨櫃行車，都予人有動力源源不絕嘅感覺。有興趣嘅朋友，可致電合德汽車查詢。 查詢：合德汽車（26681486）