張可頤、郭晉安、宣萱、胡杏兒及廖碧兒等，昨日在荃灣出席「至尊人氣藝人大賞2003」頒獎典禮。
獲「至尊人氣女藝人」及「最晶瑩淨白肌膚大賞」的張可頤，昨日穿上吊帶裝出席，十分性感。當張可頤上台領獎時，左邊吊帶跌至手臂位置，其後她接受訪問時說：「冇辦法啦，件衫係贊助嘅，好在我做晒安全措施，貼咗膠紙。」
非典型肺炎近日肆虐香港，昨日頒獎禮上，不少得獎藝人均缺席，而張可頤、郭晉安及宣萱等領過獎後都急急走人，問張可頤是否怕受到感染，她說：「係呀，快啲走，近日我都出席咗好多公開場合，好似之前去家燕姐生日會我都早走。」
此外，宣萱昨日到葵芳新都會廣場出席「Bella完美肌膚之旅」活動，她與觀眾大玩遊戲，更跟他們握手。
問到宣萱會否怕傳染非典型肺炎，她說：「我聽日（即今日）會上深圳出席一個樓盤握手會，我會戴定口罩同消毒藥水，有啲嘢唔驚得咁多，食幾多着幾多整定，我都會避免接近人群，小心啲。」
採訪：汪正文、何永寧
攝影：甄朝健
