梁錦松同特首可謂最佳拍檔，上演咗一場「我辭職你挽留」嘅好戲。不過八方有教友朋友話阿松份聲明亂咁引用聖經，聽到好礙耳，叫佢唔好隨便講耶穌。八方即刻翻查阿松三月十五號份聲明。原來佢話「完全接受行政長官對我作出正式批評」，雖然撤回請辭，又承諾會「盡心、盡意、盡力完成行政長官的吩咐」。
「盡心、盡意、盡力」六個字出自聖經馬太福音二十二章，耶穌回答偽善嘅法利賽人，原文係「你要盡心、盡性、盡意，愛主你的上帝」。可能阿松讀開教會學校，聖經文字潛移默化，潛意識將老董當咗係上帝，教友都唔嬲得咁多。
傳真︰2623-9278
電郵︰