九人女子組合Cookies昨日正式搬出位於旺角的宿舍，經理人公司安排了一架二十四座位小巴及六名工作人員到場協助，在場亦有近三十名歌迷守候。Cookies表示，對宿舍有很多回憶，實在不捨得搬走。
九人組合Cookies昨日下午搬出位於旺角的宿舍，據各成員表示，由於Serena患上感冒，故此要留在家中休息。
就現場所見大約有近三十名歌迷到場等候，亦有電視台的採訪隊拍攝。經理人公司派出六位工作人員幫她們搬屋，而Cookies於四時搬出，她們大約搬了五袋尼龍袋及一個細行李篋，她們說：「今次我哋主要係搬走啲公仔同衫，之後就暫時會各自搬返屋企先，其實我哋個個都好唔捨得，始終間屋都留咗好多回憶。」
當問及Cookies是否拆夥時，她們續說：「我哋唔係完全分開，可能有啲工作會分開一組組咁做。」在Cookies搬屋期間，有fans分別租了四架的士追車，而其中一架的士更與一架七人車發生輕微碰撞。
而Cookies經理人公司的高級宣傳經理陳小姐表示，Cookies今次搬屋，主要是因為成員Angela早前於浴室懷疑被人偷拍，加上原本各成員同住宿舍是為了方便工作人員接送，不過她們將會重組及各有發展，所以便決定搬離宿舍。
此外，陳小姐透露Cookies的新工作安排仍未決定，她說：「總之佢哋今次搬屋都係因為個地址太張揚，咁樣對女仔嚟講好危險。不過公司就唔會再提供宿舍，如果佢哋有需求嘅話公司都會幫手。」據知，Cookies於搬走前在宿舍內為新碟拍攝了一些片段。
採訪、攝影：李珮洳
