魏駿傑父親大前晚（二十七日）於律敦治醫院病逝，享年八十二歲，昨日傑仔到醫院認領遺體，準備在下月三日於香港殯儀館為父親設靈，而翌日出殯後，遺體會移送到將軍澳華人永遠墳場安葬。
傑仔昨日接受電話訪問時說：「我爹哋一向有糖尿病，點知佢去完台灣旅行返嚟之後就有肺炎同其他併發症，雖然醫生驗過唔係非典型肺炎，但爹哋入院冇幾耐就唔得喇。」
傑仔在家排行第三，一向深得父親疼錫，痛失慈父令他傷心欲絕，傑仔說：「我喊足幾日幾夜，雖然爹哋過身嘅時候，我哋三兄弟都喺佢身邊，但我因為平時要開工，冇乜時間陪佢，對上一次同佢食飯已經係個幾月前嘅事，所以真係覺得好內疚。」
採訪：戴彩煥