俄羅斯同志雙妹嘜Tatu嘅一舉一動，一向都非常出位，成員Lena同Julia最近喺新MV《30Minutes》入面，重玩血腥爆破，搞到香港嘅電視台、巴士同電視廣告幕牆都統統禁播呢個MV！
今次Tatu嘅新MV《30Minutes》，講述長頭髮嘅Lena同一個男人公然喺遊樂場接吻鬼混，令到Julia非常妒忌，最後Julia重自製咗個炸彈，喺旋轉木馬度引爆，實行炸死Lena同埋個男人，最後Julia重笑笑口好風騷咁離開，實行一拍兩散。
而為咗谷Tatu嘅單曲《AllTheThingsSheSaid》，最近唱片公司出咗個卡通版封面，Lena同Julia瞓喺張床度卿卿我我，意識相當大膽，另外唱片公司又搞咗個設計比賽，呼籲Tatu嘅樂迷幫偶像設計服裝精品，若果有幸被揀中嘅話，重有機會製成限量版貨品㖭！有興趣嘅樂迷，可以到以下網址瀏覽：